#9 Skúlabørn í Liberia eru eisini okkara ábyrgd í Føroyum

Vit práta við Elisabeth Poulsen, ið er trúboðari í Liberia í Vesturafrika. Hon er send út av danska útimissiónsfelagsskapinum Promissio, og føroysk sendimeinigheit er Meinigheitshúsið á Skála.

Elisabeth greiðir nærri frá tilveru síni og arbeiðnum í Liberia. Hennara uppgáva er at styrkja skúlaskipanina og menna lærararnar í teimum 28 skúlunum, sum lutherska kirkjan rekur. Hon greiðir frá gleðini um, at arbeiðið ger mun, men eisini frá teimum stóru avbjóðingunum, bæði hjá fólkinum sum heild og hjá skúlaverkinum.