Trúboðin Poddkast

Úr trúarinnar heimi 1 Hjálp mín frá Harranum kemur

"Úr trúarinnar heimi"  Andakt 1Kai Jensen hevur skrivaðPJ Sigvardsen umsetti
Sigrun Hammer lesur andaktina

Gluggin við Elisabeth Poulsen 2. partur

Enn einaferð fær Símun Persson Jacobsen vitjan av einum sera royndum trúboðarar, tá ið hann og Elisabeth Poulsen møtast til prát í sendingini Gluggin.  
Elisabeth Poulsen er í løtuni útsend til Liberia ígjøngum danska felagsskapin Promissio. Liberia er eitt av fátækastu londunum í heiminum. Í frítíðini er hon drívmegin í føroyska missiónsfelagsskapinum Tæn Afrika. 

Átrúnað í almenna rúminum 2. partur

Seinasta týsdag løgdu vit fyrra part av upptøkunum frá tiltakinum”Trúgv og Samfelag” út. Tað var Háskúlanum í Nesvík, sum bjóðaði til fyrilestrar og kjak um átrúnað í almenna rúminum.  
Jógvan Fríðriksson, biskupur og Heina í Skorini løgdu fyri við hvør sínum fyrilestri og eftir tað kjakaðust Ruth Vang, Jaspur Langgaard, løgtingslimir og Sjúrður Skaale, fólkatingslimur – undir leiðslu av orðstýrara, Ova Brim. 
Í dag leggja vit seinna partin út, har tú kanst lurta eftir kjakinum millum Ruth Vang, Jaspur Langgaard og Sjúrð Skaale. 

Gluggin við Elisabeth Poulsen 1. partur

Átrúnaður í almenna rúminum 1. partur

Mikukvøldið 19. oktobur 2022 skipaði Háskúlin í Nesvík fyri fyrstuferð fyri tiltakinum ”Trúgv og Samfelag”, ið hesaferð snúði seg um átrúnað í almenna rúminum.
Jógvan Fríðriksson, biskupur og Heina í Skorini løgdu fyri við hvør sínum fyrilestri og eftir tað kjakaðust Ruth Vang, Jaspur Langgaard, løgtingslimir og Sjúrður Skaale, fólkatingslimur – undir leiðslu av orðstýrara, Ova Brim.
Vit hava tikið fyrilestranar og kjakið upp, og tú kanst lurta við at trýsta á leinkið niðanfyri ella á Spotify ella á Apple Podcast. Í dag leggja vit fyrrra partin út, sum er tveir fyrilestrar hjá ávíkavist Jógvani Fríðriksson, biskupi og Heina í Skorini.

Hjá Gudi er alt gjørligt

Hansara heimur var fullur av hatri
Martin Bentsen vaks upp í einum heimi uttan kærleika. Vantandi umsorgan fekk Martin at vera harðligan, ja somikið harðliga at bæði rockarar í Bandidos og sálarfrøðingurin søgdu, at Martin var uttanfyri “pædagogisk rækkevidde.” Men ein ávís biðjandi kvinna gloymdi ongantíð Martin...Í september var Martin á vitjan í Føroyum í samband við mannfólkavikuskiftið í Nesvík. Martin var høvuðstalari á leguni, og komandi vikurnar kanst tú her á Trúboðanum hoyra upptøkurnar frá vikuskiftinum. Í dag kemur fyrsta møtið, har luttakararnir hoyrdu um søguna hjá Martini. Tað er Gerhard Mikkelsen, prestur í Fuglafirði, sum hevur prát við Martin Bentsen.

Jóannis Fonsdal: Bróðir Andreas: Smuglari Guds

Miðskeiðis í 1950-unum byrjaði hálendingurin Anne van der Bijl, betri kendur sum Bróðir Andreas, at smugla bíbliur til tey forfylgdu kristnu handan Jarntjaldið. Soleiðis byrjaði felagsskapurin Open Doors. Jóannis Fonsdal fortelur í hesum áhugatíma frá Bíbliuskeiðnum 2022 um tað spennandi lívið hjá Bróður Andreas í tænastu fyri tey forfylgdu kristnu.
Jóannis Fonsdal er sóknarprestur er sóknarprestur í Emdrup Kirkju.
Legg merki til, at upptøkan er gjørd, áðrenn Bróðir Andrias andaðist. 

Jóannis Fonsdal: Bøn og forbøn

Í hesum fimta og seinasta bíbliutíma á Bíbliuskeiðnum 2022 fer Jóannis Fonsdal í holt við seinastu avbjóðinga úr Jákupsbrævinum um bøn og forbøn. Eggjað verður til frímóð í bøn og forbøn við niðurlagnum “Verði vilji tín” í vissuni um, at Gud er faðir okkara og vil okkum tað besta. Nortið verður eisini við teir nívandi spurningar, sum stinga seg upp, tá ið undrið ikki hendir.
Heitið á Bíbliuskeiðnum var "Avbjóðingar úr Jákupsbrævinum"
Jóannis Fonsdal er sóknarprestur í Emdrup Kirkju