Trúboðin Poddkast

Hans-Ole Bækgaard: Heilagi Andin – Hvør ert tú og hvat vilt tú?

Vit halda í dag fram við øðrum av fýra fyrilestrum um Heilaga Andan og gerning hansara í okkum sum einstaklingar og í kirkjuni. Upptøkan er frá hvítusunnustevnuni 2022 í Meinigheitshúsinum í Havn, og tað er formaðurin í Indre Mission í Danmark, Cand. Teol. Hans-Ole Bækgaard, ið undirvísir.  I hesum fyrilestri  lýsir Hans-Ole Bækgaard millum annað, hvør Heilagi Andin er og hvat hann ikki er. Tú fert at hoyra um fatanina av andum og trúarvillum í fornkirkjuni, eins og orð verða sett á munir í hvítusunnurørsluni og luthersku læruni av Heilaga Andanum og gerningi hans.
Í fyrilestrinum viðmælir Hans-Ole Bækgaard bókina, “Ved en korsvej”. Keyp bókina her: www.manna.fo

Gluggin við Petur Jákup Sigvardsen (2.partur)

Hans-Ole Bækgaard: Hvat fer at henda? - Arbeiði Heilaga Andans í okkum og í allari kirkjuni

Á hvítusunnu 2022 hevði Meinigheitshúsið í Havn vitjan av Cand. Teol. Hans-Ole Bækgaard, ið er formaður fyri Indre Mission í Danmark. Gjøgnum fýra møtir setti Hans-Ole Bækgaard sjóneykuna á Heilaga Andan, og gerning hansara í okkum sum einstaklingar og sum kirkja. Í sínum fýra fyrilestrum lutar Hans-Ole Bækgaard út av síni stóru vitan í læru Bíbliunnar, og høvið verður givið at hugsa gjølla um evnið. Vit trúgva, hetta er eitt sera viðkomandi og týdningarmikið evni, sum mong okkara hava tørv á at skilja betri. Tí fara vit frá í dag av og komandi tríggjar mikudagarnar at almannakunngera ljóðupptøkurnar. Vit vóna, tær gerast tær og tínum kristna felagsskapi til stóra signing. Evnið í fyrsta fyrilestrinum, sum til ber at hoyra í dag, er: Hvat fer at henda? – Arbeiði Heilaga Andans í okkum og í allari kirkjuni.

Samrøða við Asbjørni Jacobsen

Heilagi Andin. Tala við Jógvani Højgaard

Jógvan Højgaard, trúboðari, talar
Missiónshúsið Karmel á Eiði
12. juni 2022
 

Gluggin við Petur Jákup Sigvardsen (1. partur)

Hann nærkast nú teimum 90. Men Petur Jákup Sigvardsen hevur enn nógv á hjarta. Her vitjar hann Símun Persson Jacobsen í upptøkustudiinum í Nesvík, har hann fer at greiða okkum frá um sítt langa lív og tær lívsroyndir, hann hevur gjørt sær.
Í hesum fyrsta parti leggja vit út við at hoyra um óvitaárini og uppvøksturin við Gjógv. Vi sleppa innum skúladyr og hoyra um skúlalív hansara, har sálmar vórðu lærdir uttanat. Eftir hetta fylgja vit Petur Jákup Sigvardsen og hansara leið suður til Havnar. Vit síggja í brotum lívið í Føroyum tá í tíðini, og vit møta Gudi, ið fekk ein avgerandi leiklut lívinum hjá Petur Jákupi Sigvardsen.

Gluggin við Ingolfi Johannesen (4/4)

Gluggin Gluggin við Ingolfi Johannesen (3/4)

Í hesum triðja parti greiður Ingolf Johannesen um ein vanlukkuligan tilburð, ið hendi undir fiskiskapi við Bornholm. Har fingu Ingolf og restin av manningini eina seinkaða heilsan frá 2. heimsbardaga. Og hetta fekk avleiðingar fyri teir allar.